Plantun de Prouvènço

Pèr coumpara dos planto d'encò nostre

Viola palustris & Potamogeton nodosus

Viola palustris

Violaceae

Nom en français : Violette des marais.

Descripcioun :
Aquesto pichoto e poulideto vióuleto trachis au nostre dins li tourbiero e li palun de mountagno. Se recounèis à si fueio redouno de la baso en couar e à sa petalo de davans soulignado de veno sourno.

Usanço :
Li flour de vióuleto soun manjadisso, li meiouro soun li mai perfumado, coume Viola odora o Viola suavis. Soun richo en vitamino C e A.

Port : Erbo
Taio : 5 à 15 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Viola
Famiho : Violaceae

Ordre : Malpighiales

Coulour de la flour : Vióuleto
Petalo : irreguliero
Ø (o loungour) flour : 15 à 20 mm
Flourido : Printèms - Estiéu

Sòu : Si
Autour basso e auto : 800 à 2600 m
Aparado : Noun
Mai à Juliet

Liò : Tourbiero - Palun de mountagno
Estànci : Mountagnard à Aupen
Couroulougi : Oulartico-Aupenco
Ref. sc. : Viola palustris L., 1753

Espigo-d'aigo(-nouseludo)

Potamogeton nodosus

Potamogetonaceae

Autre noum : Poutamot.

Noms en français : Potamot noueux, Epi d'eau.

Descripcioun :
Aquesto espigo-d'aigo trachis dins lis aigo pulèu prefoundo ounte pòu faire un tapis de fueio. Li fueio de surfaco (5 à 12 cm X 2 à 6 cm) laisson pas passa lou lume, soun pulèu espèsso e souvènt un pau bruno. Aquéli dins l'aigo, soun mai primo e fragilo e se ié vèi bèn li costo. L'espigo, pourtado pèr un pecou espès, sort de l'aigo (3 à 5 cm de long).

Usanço :
D'ùnis espigo-d'aigo sarien manjadisso en Asìo.